Panel ymchwil i’r farchnad yw Panel Cyfryngau Cymru a TRP Research Ltd sy’n ei redeg ar ran S4C. Ei nod yw deall sut y mae Cyfryngau gwahanol yn cael eu defnyddio yng Nghymru.
Darllenwch yr Amodau a Thelerau canlynol yn ofalus.
Dylid darllen yr Amodau a Thelerau gyda’r Hysbysiad Preifatrwydd sy’n rhoi manylion sut yr ydym yn casglu’ch data personol, eu storio, eu defnyddio, eu rhannu a’u diogelu, a’r Hysbysiad Cwcis. Wrth ymaelodi â Phanel Cyfryngau Cymru, rydych yn cytuno i’r Amodau a Thelerau hyn ac yn cadarnhau eich bod wedi darllen yr Hysbysiad Preifatrwydd a’r Hysbysiad Cwcis, wedi eu deall, ac yn cytuno iddynt. Os nad ydych yn cytuno i’r Amodau a Thelerau hyn, yr Hysbysiad Preifatrwydd a’r Hysbysiad Cwcis, yna peidiwch â chofrestru ar gyfer Panel Cyfryngau Cymru.
Cadwn yr hawl i ddiwygio’r Amodau a Thelerau hyn a/neu’r Hysbysiad Preifatrwydd a’r Hysbysiad Cwcis, ar unrhyw adeg. Os digwydd i ni wneud hyn, byddwn yn anfon e-bost atoch i roi gwybod i chi. Os nad ydych yn cytuno i unrhyw un o’r newidiadau yr ydym yn eu gwneud, rhaid i chi ddatdanysgrifio o Banel Cyfryngau Cymru (gweler adran “Gadael Panel Cyfryngau Cymru”). Fel arall, byddwn yn cymryd eich bod wedi derbyn y newidiadau a wnaed ac yn cytuno iddynt. Efallai y byddwn yn gofyn i chi gadarnhau eich bod yn hapus â’r newidiadau i’r polisïau hyn trwy ail-gadarnhau eich cydsyniad, os yw’r newidiadau yn effeithio ar y ffordd y caiff eich data personol eu prosesu neu eu rhannu.
Trwy gofrestru ar gyfer Panel Cyfryngau Cymru, rydych yn cytuno i dderbyn holiaduron trwy e-bost. Gallwch lenwi cymaint neu gyn lleied o holiaduron ag a fynnwch.
1. Cofrestru ar gyfer Panel Cyfryngau Cymru
Bydd yn cymryd ychydig funudau i chi gofrestru ar gyfer Panel Cyfryngau Cymru ac nid oes tâl am gymryd rhan. Byddwn yn defnyddio unrhyw ddata personol yr ydych yn eu darparu fel y disgrifir yn ein Hysbysiad Preifatrwydd a’n Hysbysiad Cwcis yn unig, a hynny yn unol â’r Amodau a Thelerau hyn.
Er mwyn cael eich ystyried i fod yn aelod o Banel Cyfryngau Cymru, rhaid i chi:
- Ag un cyfrif yn unig (ni fyddwn yn derbyn cofrestriadau lluosog).
- Yn cofrestru fel chi eich hun ac nad ydych yn esgus bod yn rhywun arall.
- Yn unigolyn – nid yn gorfforaeth nac yn unrhyw fath o endid arall.
- Yn llenwi’r ffurflen gofrestru yn onest ac yn gywir, gan sicrhau bod yr holl wybodaeth y gofynnir amdani yn gyflawn.
- Yn rhoi cyfeiriad e-bost dilys. Mae angen i’r cyfeiriad e-bost hwn fod yn unigryw i chi ac ni allwch ei rannu gydag aelod arall o Banel Cyfryngau Cymru.
- Yn byw yng Nghymru NEU yn byw yn y DU tu allan i Gymru ac yn siarad Cymraeg.
- Darparu cyfeiriad preswyl.
- Yn 16 oed neu’n hŷn.
- DDIM yn gweithio yn y diwydiant cyfryngau yng Nghymru.
- DDIM yn byw ar yr un aelwyd â rhywun sy’n gweithio yn niwydiant y cyfryngau.
Nid yw bodloni’r gofynion hyn yn gwarantu cael eich derbyn ar Banel Cyfryngau Cymru. Ein nod yw cynnal panel/cymuned gytbwys a chynrychioladol a gallwn dderbyn, gwrthod neu ddileu ceisiadau ar sail ffactorau sy’n cynnwys, ond heb fod yn gyfyngedig i, ofynion demograffig, lleoliad daearyddol, galluoedd iaith, cyfansoddiad panel, cwotâu recriwtio, gofynion ymchwil ac ystyriaethau rheoli ansawdd. Gall y gofynion hyn newid o bryd i’w gilydd heb rybudd.
Mae’n bwysig eich bod yn gwirio’ch manylion yn ofalus wrth gofrestru ar gyfer Panel Cyfryngau Cymru. Peidiwch ag anghofio ychwanegu cymorth@panelcyfryngau.cymru at eich cyfeiriadur er mwyn sicrhau nad ydych yn colli’ch cyfle gydag unrhyw holiaduron. Ni allwn dderbyn cyfrifoldeb pan nad ydych yn derbyn ein holiaduron.
Rydyn ni’n monitro pob aelod sy’n cofrestru, ymatebion i’r holiaduron ac unrhyw weithgarwch arall sy’n ymwneud â Phanel Cyfryngau Cymru yn rhan o’n gwiriadau ansawdd, a gallwn groeswirio’r wybodaeth hon ar draws ein paneli eraill i ganfod twyll. Os ydyn ni’n darganfod / amau eich bod wedi cofrestru ar gyfer Panel Cyfryngau Cymru sawl gwaith neu’n ymddwyn mewn ffordd dwyllodrus, rydyn ni’n cadw’r hawl i ddileu un o’r cyfrifon, neu bob un ohonynt, ar unwaith, heb rybudd, ac i wrthod unrhyw ymgais i gofrestru gennych yn y dyfodol. Os bydd hyn yn digwydd, byddwch yn colli unrhyw gredydau sy’n weddill yn eich cyfrif ac ni fyddwch bellach yn gymwys i gymryd rhan mewn rafflau neu dderbyn credydau, gwobrau, cymhellion neu fuddion eraill sy’n gysylltiedig ag aelodaeth.
Os byddwch yn cofrestru ar gyfer Panel Cyfryngau Cymru ond ni fyddwch yn cael eich derbyn am unrhyw reswm, bydd y wybodaeth y byddwch yn ei rhoi wrth gofrestru yn cael ei chadw am hyd at 6 mis oni bai fod rheswm dros gadw’ch data am gyfnod hirach, e.e. amheuaeth o dwyll / cofrestriadau lluosog gan yr un unigolyn ayb. Ar ôl i 6 mis ddod i ben, dim ond gwybodaeth allweddol fydd yn cael ei chadw os oes ei hangen arnom, gan gynnwys enw, cyfeiriad e-bost a chyfeiriad IP, am resymau ansawdd.
2. Diweddaru data personol
Chi sy’n gyfrifol am sicrhau bod eich data personol, gan gynnwys eich manylion cyswllt, yn gywir ac yn gyfredol. Byddwn yn defnyddio’ch manylion cyswllt er mwyn anfon holiaduron a gwobrau atoch ac er mwyn cyfathrebu â chi am Banel Cyfryngau Cymru. Gallem ddiweddu eich aelodaeth o Banel Cyfryngau Cymru yn ddirybudd os ydych ym methu â chadw’ch data personol yn gywir ac yn gyfredol. Os bydd hyn yn digwydd, byddwch yn colli unrhyw gredydau sy’n weddill yn eich cyfrif ac ni fyddwch bellach yn gymwys i gymryd rhan mewn rafflau neu dderbyn credydau, gwobrau, cymhellion neu fuddion eraill sy’n gysylltiedig ag aelodaeth.
Ni allwn dderbyn cyfrifoldeb dros dalebau sy’n mynd ar goll os oeddent wedi cael eu hanfon at hen gyfeiriad am i chi beidio â diweddaru eich cyfeiriad. E-bostiwch cymorth@panelcyfryngau.cymru i ddweud wrthym am unrhyw newidiadau i’ch manylion cyswllt.
3. Derbyn credydau a gwobrau
Byddwch yn derbyn credydau tuag at y wobr o’ch dewis am bob holiadur y byddwch yn ei gwblhau. Bydd pob credyd y byddwch yn ei ennill yn cael ei ychwanegu at eich cyfrif yn awtomatig. At ddibenion cyfrifo gwobrau, mae 1 credyd gywerth â £0.01. Nid yw credydau yn dendr cyfreithiol, nid oes modd eu trosglwyddo rhwng cyfrifon, ni ellir eu cyfnewid am arian parod a dim ond am wobrau a gynigir gan Banel Cyfryngau Cymru y gellir eu defnyddio. Rydym yn cadw’r hawl i gywiro gwallau credydu ac i atal, dileu neu addasu credydau lle rydym yn credu’n rhesymol eu bod wedi’u dyfarnu mewn camgymeriad, wedi cael eu hennill mewn ffordd dwyllodrus, neu wedi’u hennill yn groes i’r Amodau a Thelerau hyn.
Nodir gwerth pob holiadur, o ran nifer y credydau, yn yr holiadur. Oni nodir yn wahanol, bydd holiaduron werth y nifer o gredydau a nodir isod fel arfer. Rydym yn cadw’r hawl i newid nifer y credydau a ddyfernir ar gyfer holiaduron penodol:
Holiadur dyddiol:
- 10 credyd i bawb (gywerth â £0.10)
Holiadur wythnosol:
- 30 credyd os ydych chi hefyd yn cael yr holiadur dyddiol (gywerth â £0.30) neu
- 50 credyd os nad ydych yn cael yr holiadur dyddiol (gywerth â £0.50)
O bryd i’w gilydd, efallai y byddwn yn cynnig mwy o gymhelliant i grwpiau sydd wedi’u tangynrychioli er mwyn cyrraedd ein targedau samplu. Ein diben yw lleihau tueddiadau ymhlith y rheiny sydd ddim yn ateb a gwella pa mor gynrychiadol yw canlyniadau ein holiaduron. Cynlluniwyd lefelau cymhelliant fel eu bod yn gymesur â’r her recriwtio ychwanegol a nid yw’n fwriad ffafrio unrhyw grŵp y tu hwnt i sicrhau cydbwysedd yn ein samplu.
Unwaith y byddwn wedi anfon eich gwobr atoch, ni ellir ei dychwelyd na’i chyfnewid. Am i chi gymryd rhan yn ein holiaduron, cewch eich gwobrwyo gyda thalebau siopa neu roddion i elusennau neu gallwch godi arian i grŵp cymunedol.
TRP Research fydd yn rheoli pob gwobr. Dylech e-bostio cymorth@panelcyfryngau.cymru os ydych yn dymuno gofyn am newid eich gwobr. Byddwn yn parhau i anfon gwobrau atoch tra’ch bod yn dal i fod yn aelod o Banel Cyfryngau Cymru. Mae hyd ein holiaduron yn amrywio ac efallai na fydd yr un cwestiynau ymhob holiadur.
I gael rhagor o wybodaeth am y gwobrau yr ydym yn eu cynnig, ewch at www.panelcyfryngau.cymru/gwobrau/. Gallai’r gwobrau newid ar unrhyw adeg.
- Os ydych chi wedi dewis taleb siopa yn wobr, cewch eich taleb gwerth £5 trwy e-bost yn awtomatig unwaith fyddwch chi wedi ennill digon o gredydau.
- Os ydych chi wedi dewis cyfraniad at elusen yn wobr, byddwn yn talu £5 yn awtomatig i’r elusen o’ch dewis ac yn dweud wrthych ein bod wedi gwneud hynny, unwaith fyddwch chi wedi ennill digon o gredydau.
- Os ydych chi wedi dewis cyfraniad at grŵp cymunedol yn wobr, byddwn yn talu’r £50 yn awtomatig i gyfrif banc y grŵp unwaith fydd y grwp wedi ennill digon o gredydau, onid ydym wedi cytuno ar drefniant arall gyda’ch grŵp. Fel arfer, bydd y taliad hwn yn digwydd ymhen cwpwl o wythnosau wedi i’r grŵp gyrraedd y trothwy ar gyfer derbyn y taliad, pan fydd gennym fanylion banc y grŵp. Mae hyn yn rhoi amser i ni brosesu unrhyw gredydau sy’n ddyledus a thalu i mewn i gyfrif y grŵp. Byddwn yn anfon neges e-bost atoch chi ac aelodau eraill y grŵp unwaith y byddwn wedi talu’r grŵp.
4. Grwpiau cymunedol
Er mwyn codi arian i grŵp cymunedol trwy lenwi ein holiaduron, bydd angen i chi enwi’r grŵp pan ofynnir i chi wneud hynny ar y ffurflen gofrestru. Gallai grŵp cymunedol gynnwys tîm chwaraeon, côr, cymdeithas, grŵp gwirfoddol cymunedol ayb. Cadwn yr hawl i wrthod mynediad i grwpiau penodol i Banel Cyfryngau Cymru am unrhyw reswm, gan gynnwys anonestrwydd ac am nad yw’r grŵp yn bodoli. Os nad ydym wedi derbyn eich grŵp i Banel Cyfryngau Cymru am unrhyw reswm, byddwn yn rhoi gwybod i chi.
Rhaid bod gan bob grŵp cymunedol unigol rhwng 3 ac 20 o aelodau er mwyn bod yn gymwys ar gyfer y cynllun. Os ydych wedi dewis grŵp cymunedol wrth gofrestru, ond nid ydych wedi gallu cael y 3 aelod sy’n angenrheidiol er mwyn bod yn gymwys, efallai y byddwn yn cysylltu â chi i weld os allai recriwtiwr ymweld â’r grŵp er mwyn annog mwy o bobl i gofrestru neu’n gofyn i chi newid at wobr arall. Os yw’ch grŵp yn cyrraedd 20 o aelodau, sef uchafswm y nifer a ganiateir mewn grŵp, cadwn yr hawl i wrthod i unrhyw un arall o’ch grŵp gofrestru, a hynny’n ddirybudd.
Unwaith y bydd eich grŵp wedi casglu digon o gredydau, byddwn yn gofyn am fanylion banc y grŵp er mwyn i ni allu talu £50 i mewn i’r cyfrif. Os nad ydym wedi talu’ch grŵp o’r blaen, byddwn yn gwirio’ch grŵp cyn i ni gytuno i drefnu unrhyw daliadau. Gweler adran 3 am ragor o fanylion am dalu gwobrau.
5. Cyfeirio ffrindiau
At ddibenion yr adran hon, ystyr “gwobr am gyfeirio” yw unrhyw gredyd, gwobr, cyfle i gystadlu neu gymhelliant arall a gynigir gennym wrth annog pobl i gyfeirio ffrind.
Rhaid eich bod yn aelod o Banel Cyfryngau Cymru ar y pryd cyn i chi allu cyfeirio ffrindiau. Yn ogystal, rhaid i chi a’ch ffrind fodloni unrhyw feini prawf cymhwysedd a nodir yn yr e-bost cyfeirio ffrind, arolwg neu hyrwyddiad perthnasol, ynghyd ag unrhyw ofynion presennol o ran aelodaeth, recriwtio, cymhwysedd neu gyfansoddiad Panel Cyfryngau Cymru.
Sut mae’r broses cyfeirio ffrind yn gweithio
Dull 1: Byddwch yn cael neges trwy e-bost sy’n cynnwys cod cyfeirio ffrind unigryw a dolen i holiadur recriwtio i’w rhoi i’ch ffrind. Mae eich ffrind yn cofrestru trwy ddefnyddio’r ddolen holiadur recriwtio rydych chi wedi’i rhoi iddynt ac yn nodi eich cod cyfeirio ffrind unigryw. Bydd y cod cyfeirio ffrind yn cael ei ddefnyddio i’ch adnabod chi fel yr un sydd wedi cyfeirio eich ffrind ac yn ein galluogi ni i anfon unrhyw wobr berthnasol atoch unwaith y bydd yr holl feini prawf wedi’u bodloni. Mae’n bwysig iawn fod eich ffrind yn defnyddio’r ddolen holiadur recriwtio a’r cod cyfeirio ffrind unigryw rydych chi wedi’u rhoi iddynt i sicrhau y gallwn eich adnabod a’ch gwobrwyo.
Dull 2: Gofynnir i chi roi enw a chyfeiriad e-bost / rhif ffôn eich ffrind fel y gallwn eu gwahodd i ymuno â Phanel Cyfryngau Cymru – gwnewch yn siŵr eich bod yn gwirio’u manylion yn ofalus. Byddwn yn anfon y gwahoddiad at eich ffrind dim ond os nad ydynt wedi bod yn aelod o Banel Cyfryngau Cymru o’r blaen. Ni fyddwn yn gwahodd eich ffrind i ymuno â Phanel Cyfryngau Cymru os oes unrhyw fanylion ar y ffurflen cyfeirio ffrind ar goll. Lle bo angen, byddwn hefyd yn gofyn am eich enw a’ch cyfeiriad e-bost yn rhan o’r holiadur cyfeirio ffrind fel y gallwn gysylltu’r atgyfeiriad a’ch gwobrwyo. Os na fydd y manylion yr ydych yn eu rhoi i ni yn cyfateb i’n cofnodion, ni fyddwn yn gallu gwahodd eich ffrind. Bydd eich enw/cyfeiriad e-bost hefyd yn cael eu cynnwys lle bo angen pan fyddwn yn gwahodd eich ffrind i ymuno â Phanel Cyfryngau Cymru. Efallai y byddwn yn cyfyngu ar nifer y ffrindiau y gallwch eu cyfeirio atom ar unrhyw adeg, a byddwn yn anfon uchafswm o ddau wahoddiad at bob ffrind, trwy neges e-bost. Nhw sydd i ddewis a ydynt am gofrestru ar gyfer Panel Cyfryngau Cymru ai peidio. Rhaid i’ch ffrind ddefnyddio’r ddolen atgyfeirio sydd wedi’i chynnwys yn y neges e-bost i gofrestru ar gyfer Panel Cyfryngau Cymru. Dylech gyfeirio’ch ffrindiau dim ond os ydynt yn hapus i chi roi eu manylion cyswllt i ni er mwyn i ni eu gwahodd i ymuno â Phanel Cyfryngau Cymru. Os digwydd i ni gael cwyn gan eich ffrind am i ni eu gwahodd i ymuno â Phanel Cyfryngau Cymru, yna gallem ddiweddu eich aelodaeth o Banel Cyfryngau Cymru (gweler adran 14).
Nid oes sicrwydd y cânt eu derbyn ar Banel Cyfryngau Cymru. Ein nod yw cynnal panel/cymuned gytbwys a chynrychioladol a gallwn dderbyn, gwrthod neu ddileu ceisiadau ar sail ffactorau sy’n cynnwys, ond heb fod yn gyfyngedig i, ofynion demograffig, lleoliad daearyddol, galluoedd iaith, cyfansoddiad panel, cwotâu recriwtio, gofynion ymchwil ac ystyriaethau rheoli ansawdd. Gall y gofynion hyn newid o bryd i’w gilydd heb rybudd.
Cymhellion Cyfeirio Ffrind
Er mwyn cael gwobr am gyfeirio ffrind, rhaid i’ch ffrind gael ei (d)derbyn ar Banel Cyfryngau Cymru (gweler Adran 1) a rhaid i chi a’ch ffrind fodloni unrhyw feini prawf a bennir yn y neges e-bost/holiadur cyfeirio ffrind perthnasol a’r Amodau a Thelerau hyn. Efallai na fydd y meini prawf yr un peth bob tro, felly sicrhewch eich bod chi’n darllen y manylion yn ofalus i wneud yn siŵr eich bod chi’n gwybod beth sydd angen i chi ei wneud er mwyn cael y wobr am gyfeirio ffrind.
Bydd gwobrau am gyfeirio ffrind yn cael eu rhoi ar ôl i’r holl wiriadau cymhwystra, recriwtio, rheoli ansawdd a gwirio gael eu cwblhau’n llwyddiannus. Yn amodol ar y gwiriadau hyn, bydd gwobrau am gyfeirio ffrind yn cael eu rhoi heb fod yn hwyrach na mis ar ôl i’r holl feini prawf cymwys gael eu bodloni, ar yr amod eich bod chi a’ch ffrind yn dal i fod yn aelodau o Banel Cyfryngau Cymru ar yr adeg honno.
Pan gyfeirir yr un unigolyn gan fwy nag un aelod, dim ond yr atgyfeiriad dilys cyntaf sy’n dod i law fydd yn gymwys i gael gwobr am gyfeirio ffrind.
Ni fydd gwobr cyfeirio yn daladwy mewn perthynas ag unrhyw unigolyn sy’n cael ei gyfeirio nad yw’n cael ei dderbyn ar Banel Cyfryngau Cymru neu nad yw’n bodloni’r holl ofynion perthnasol o ran cymhwysedd, recriwtio neu ofynion panel, ni waeth beth yw’r rheswm.
Rydym yn cadw’r hawl i atal, canslo neu adennill unrhyw wobr am gyfeirio ffrind lle rydym yn credu’n rhesymol fod atgyfeiriad wedi’i wneud yn groes i’r Amodau a Thelerau hyn, neu lle mae yna amheuaeth o weithgarwch twyllodrus neu gamarweiniol neu gamdrin y cynnig.
Rydym yn cadw’r hawl i ddiwygio, atal neu dynnu’n ôl y rhaglen cyfeirio ffrind, neu unrhyw wobrau cysylltiedig, ar unrhyw adeg, heb rybudd.
6. Cystadlaethau
O bryd i’w gilydd, efallai y byddwn yn cynnal cystadlaethau rhad ac am ddim. Bydd y cystadlaethau hyn yn ddarostyngedig i Amodau a Thelerau ychwanegol a byddwn yn gosod y rhain ar wefan Panel Cyfryngau Cymru ar gychwyn y gystadleuaeth.
7. Llenwi holiaduron
Rydym yn defnyddio technoleg i anfon eich holiaduron atoch a’u hagor / cau. Efallai y byddwn yn gosod cwotâu ar gyfer ein holiaduron er mwyn sicrhau eu bod yn cynrychioli poblogaeth Cymru. Unwaith y bydd y cwotâu hyn wedi eu bodloni, ni fyddwch yn gallu cymryd rhan yn yr holiadur.
Wrth i chi lenwi ein holiaduron, sicrhewch nad ydych yn rhuthro a bod gennych yr amser i lenwi’r holiaduron yn iawn. Chi sy’n gyfrifol am lenwi eich holiaduron yn onest ac yn gywir. Os oes gennym sail resymol i amau nad yw’r data a geir gennych yn wir neu’n gywir neu nad ydych yn llenwi ein holiaduron yn gywir, gallem ddiweddu eich aelodaeth o Banel Cyfryngau Cymru yn ddirybudd. Os bydd hyn yn digwydd, byddwch yn colli unrhyw gredydau sy’n weddill yn eich cyfrif ac ni fyddwch bellach yn gymwys i gymryd rhan mewn rafflau neu dderbyn credydau, gwobrau, cymhellion neu fuddion eraill sy’n gysylltiedig ag aelodaeth. Gallai hyn gynnwys y canlynol ond nid ydyw wedi ei gyfyngu atynt:
- Ymatebion sydd ddim yn gwneud synnwyr.
- Ymatebion sy’n anghyson o gymharu â gwybodaeth arall a ddarperir.
- Peidio ag ateb yr holl gwestiynau gofynnol yn yr holiadur.
- Rhuthro trwy’r holiadur yn rhy gyflym a pheidio ag ateb y cwestiynau’n iawn.
- Atebion anaddas neu sarhaus i gwestiynau. Gallai hyn gynnwys unrhyw beth sydd, ym marn TRP Research Ltd, yn dangos rhagfarn tuag at grwpiau penodol o bobl (gan gynnwys hiliaeth, homoffobia a rhywiaeth ymhlith eraill).
- Esgus bod yn aelod arall neu lenwi holiadur sydd wedi ei anfon at sylw aelod arall.
- Cynorthwyo aelodau eraill o ran sut i ateb eu holiadur.
8. Cyfrinachedd
Efallai y bydd yr holiaduron yr ydym yn eu hanfon atoch yn datgelu gwybodaeth gyfrinachol neu sensitif neu wybodaeth am gyfrinachau busnes S4C a’i phartneriaid. Gallai hyn gynnwys syniadau am sioeau teledu neu radio newydd a hysbysebion ymhlith pethau eraill. Mae’r cynnwys yr ydych yn ei weld yn ein holiadur yn parhau i fod yn eiddo absoliwt i S4C a’i phartneriaid ac ni ddylid ei rannu gydag unrhyw un arall. Yn ogystal, ni ddylech gopïo’r wybodaeth hon, ei hargraffu na’i storio a rhaid i chi ei defnyddio at y diben o lenwi’r holiadur yn unig. Os ydych yn methu â gwneud hyn, byddwn yn diweddu’ch aelodaeth o Banel Cyfryngau Cymru yn ddirybudd. Os bydd hyn yn digwydd, byddwch yn colli unrhyw gredydau sy’n weddill yn eich cyfrif ac ni fyddwch bellach yn gymwys i gymryd rhan mewn rafflau neu dderbyn credydau, gwobrau, cymhellion neu fuddion eraill sy’n gysylltiedig ag aelodaeth.
Am unrhyw ddifrod yr ydych yn ei achosi trwy dorri diogelwch data, gallech fod yn atebol i dalu iawndal ariannol i Banel Cyfryngau Cymru a / neu S4C, a’u partneriaid.
9. Hysbysebu
Ni ddylech wneud unrhyw ddatganiadau ffals neu gamarweiniol wrth hysbysebu Panel Cyfryngau Cymru neu siarad amdano, yn bersonol, ar gyfryngau cymdeithasol, mewn erthyglau neu mewn unrhyw le arall. Fel aelod o Banel Cyfryngau Cymru chi sy’n gyfrifol am sicrhau bod unrhyw wybodaeth yr ydych yn ei chyhoeddi am Banel Cyfryngau Cymru yn gywir ac yn gyfredol. Os ydych yn methu â gwneud hyn yna gallem ddiweddu eich aelodaeth o Banel Cyfryngau Cymru yn ddirybudd. Os bydd hyn yn digwydd, byddwch yn colli unrhyw gredydau sy’n weddill yn eich cyfrif ac ni fyddwch bellach yn gymwys i gymryd rhan mewn rafflau neu dderbyn credydau, gwobrau, cymhellion neu fuddion eraill sy’n gysylltiedig ag aelodaeth.
10. Dolenni at wefannau eraill
Mae unrhyw ddolenni at wefannau allanol a ddarperir gan bobl eraill, er enghraifft yr elusennau yr ydym yn gweithio gyda nhw, yn cael eu darparu er gwybodaeth i chi, yn unig. Nid ydym yn derbyn unrhyw gyfrifoldeb dros y gwefannau hyn ac nid oes gennym unrhyw reolaeth dros eu cynnwys. Bydd gan y gwefannau hyn eu Hamodau a Thelerau / Hysbysiadau Preifatrwydd / Hysbysiadau Cwcis eu hunain ac rydych yn defnyddio’r gwefannau hyn ar eich perygl eich hun.
11. Anweithgarwch
Gallwn nodi eich cyfrif fel un anweithgar am unrhyw un/rai o’r rhesymau canlynol:
- Os oes neges yn dod yn ôl atom wrth i ni anfon neges e-bost neu holiadur atoch i ddweud nad yw’r neges neu’r holiadur wedi eich cyrraedd. Os nad ydym yn gallu cysylltu â chi trwy unrhyw ddull arall, e.e. galwad ffôn, cewch eich tynnu oddi ar Banel Cyfryngau Cymru ac ni fyddwch yn derbyn unrhyw holiaduron na negeseuon e-bost wrthym. Felly, mae’n bwysig eich bod yn gwirio’ch manylion yn ofalus wrth gofrestru gyda Phanel Cyfryngau Cymru. Bydd eich manylion yn cael eu cadw yn ein cofnodion, er mwyn i ni beidio â cheisio cysylltu â chi eto.
- Os nad ydych wedi llenwi unrhyw holiaduron o gwbl neu os nad ydych wedi llenwi holiadur ers tro. Os ydych yn disgyn i un o’r grwpiau hyn, yna efallai y cewch neges e-bost, neges destun neu alwad ffôn yn holi os ydych yn dymuno parhau i fod yn aelod o Banel Cyfryngau Cymru. Os nad ydych yn ateb y neges e-bost / neges destun neu’r alwad ffôn neu’n llenwi holiadur, cewch eich datdanysgrifio o Banel Cyfryngau Cymru (gweler adran “Gadael Panel Cyfryngau Cymru” isod).
Os ydym yn nodi eich cyfrif fel cyfrif anweithgar, ni fyddwn yn anfon unrhyw holiaduron atoch mwyach ac ni fyddwch yn cael unrhyw gredydau na gwobrau sy’n ddyledus. Os digwydd i chi newid eich meddwl ac os hoffech fod yn rhan o Banel Cyfryngau Cymru unwaith eto, bydd gofyn i chi ailgofrestru. Os digwydd i chi wneud hynny, ni fyddwn yn gallu trosglwyddo unrhyw gredydau o’ch cyfrif blaenorol a bydd balans eich credyd yn dechrau ar sero.
12. Grwpiau ble mae gormod wedi tanysgrifio
Rydym yn edrych ar gyfansoddiad demograffig Panel Cyfryngau Cymru drwy’r amser er mwyn sicrhau ei fod yn parhau i gynrychioli poblogaeth Cymru. O bryd i’w gilydd, efallai y bydd angen newid cydbwysedd Panel Cyfryngau Cymru, er enghraifft os ydym yn cael llawer o ymatebion gan grŵp demograffig penodol.
Os yw hyn yn digwydd, efallai y bydd angen i ni gau eich aelodaeth / eich grŵp cymunedol. Byddwn yn cysylltu â chi bob tro i roi gwybod i chi ymlaen llaw ac yn dweud wrthych beth yw’r rheswm dros hynny, gan nodi’r dyddiad y bydd hyn yn digwydd. Unwaith i ni ddiweddu eich aelodaeth o Banel Cyfryngau Cymru, ni fyddwch yn cael unrhyw holiaduron mwyach nac yn cael unrhyw gredydau neu wobrau sy’n ddyledus.
13. Gadael Panel Cyfryngau Cymru
Gallwch adael Panel Cyfryngau Cymru ar unrhyw adeg. I ddad-danysgrifio, mewngofnodwch i’ch cyfrif yn https://panelcyfryngau.cymru, ewch i’r dudalen “Fy Nghyfrif” a chliciwch ar y ddolen i ddileu eich cyfrif ar waelod y dudalen (ail opsiwn), neu anfonwch neges trwy e-bost i cymorth@panelcyfryngau.cymru. Bydd ceisiadau i ddatdanysgrifio yn cael eu cwblhau o fewn 7 niwrnod ac unwaith y bydd hyn wedi digwydd ni fyddwn yn cysylltu â chi eto. Byddwn yn cadw cofnod o’ch gwybodaeth bersonol am 5 mlynedd ar ôl i chi ddad-danysgrifio, at ddibenion atal twyll, ac i sicrhau nad ydym yn cysylltu â chi eto (e.e. trwy atgyfeiriad ffrind). Ar ôl 5 mlynedd bydd eich data yn cael eu cadw dim ond os oes eu hangen arnom i’n helpu i atal twyll, a fel arall byddant yn cael eu dileu oddi ar bob system. Gweler yr Hysbysiad Preifatrwydd am ragor o wybodaeth am hyn. Bydd yr holl ddata yn cael eu diogelu a’u storio yn unol â’n Hysbysiad Preifatrwydd.
Os ydych yn datdanysgrifio yna byddwch yn colli unrhyw gredydau sydd ar ôl yn eich cyfrif, ni fyddwn yn anfon holiaduron atoch mwyach ac ni fyddwch yn cael unrhyw gredydau neu wobrau sy’n ddyledus.
14. Eich tynnu oddi ar Banel Cyfryngau Cymru
Gallwn ddiweddu eich aelodaeth o Banel Cyfryngau Cymru yn ddirybudd os ydych yn methu â chadw at yr Amodau a Thelerau hyn. Os bydd hyn yn digwydd, byddwch yn colli unrhyw gredydau sy’n weddill yn eich cyfrif ac ni fyddwch bellach yn gymwys i gymryd rhan mewn rafflau neu dderbyn credydau, gwobrau, cymhellion neu fuddion eraill sy’n gysylltiedig ag aelodaeth.
Os nad ydych yn bodloni’r meini prawf ar gyfer bod yn aelod o Banel Cyfryngau Cymru mwyach, fel y diffinnir yn adran 1 “Cofrestru ar gyfer Panel Cyfryngau Cymru” yna ni allwch gymryd rhan yn ein hymchwil mwyach a bydd angen i ni eich tynnu oddi ar Banel Cyfryngau Cymru.
Rydym yn adolygu ein Hamodau a Thelerau yn rheolaidd; cawsant eu diweddaru ddiwethaf ar 24/08/2026.