Llongyfarchiadau i Angela o Bro Morgannwg ar ennill cerdyn One4all gwerth £25 yn ein cystadleuaeth gyflym yr wythnos ddiwethaf.

Cystadleuaeth GYFLYM newydd!

Yr wythnos hon rydym yn lansio cystadleuaeth gyflym gyda chyfle i un enillydd lwcus gael eu dwylo ar gerdyn rhodd One4all gwerth £25.

Gyda dros 130 o siopau i ddewis ohonynt ledled y wlad, gan gynnwys Argos, Boots, M&S, Primark, TK Maxx, a llawer, llawer mwy, bydd yr enillydd lwcus yn gallu defnyddio’u cerdyn rhodd i siopa’n lleol ar eu stryd fawr.
Gallwch siopa brandiau poblogaidd y stryd fawr am ddillad, ategolion, neu efallai rywbeth i’r cartref neu’r ardd, technoleg neu waith ar y cartref. Neu, gallwch defnyddio’ch cerdyn £25 ar gyfer ymweliad i’r sinema neu’r theatr neu ei wario mewn tŷ bwyta fel Miller & Carter, Nando’s, Toby Carvery, neu Wagamama!

Er mwyn cystadlu, y cyfan sy’n rhaid i chi ei wneud yw llenwi’ch holiadur. Ond peidiwch â cholli’ch cyfle, mae’r gystadleuaeth hon yn rhedeg am un wythnos yn unig – felly llenwch eich holiadur am gyfle i ennill!

Mae hi’n Wythnos Ambiwlans Awyr – felly mae’n dda gallu rhannu ein bod wedi gallu rhoi £370 i Ambiwlans Awyr Cymru yn ddiweddar. Diolch i’r aelodau hael hynny o Banel Cyfryngau Cymru sy’n cyfrannu eu gwobrau at yr elusen hon.

Diolch am ddewis cefnogi Ambiwlans Awyr Cymru. Mae eich cefnogaeth yn helpu i gadw hofrenyddion Ambiwlans Awyr Cymru yn yr awyr a’u cerbydau ymateb cyflym ar lawr gwlad, i drin y rhai sy’n ddifrifol wael ac wedi’u hanafu waethaf, 7 niwrnod o’r wythnos.

Achub Bywydau, Dros Gymru.

Llongyfarchiadau i Sophie o Aberbargoed ar ennill tystysgrif rhodd Canolfan Mileniwm Cymru gwerth £100 yn ein cystadleuaeth ddiweddar.

Cadwch lygad yn agored am y gystadleuaeth nesaf fydd yn lansio yn y man!

Llongyfarchiadau i Chris o Gastell-Nedd Port Talbot ar ennill yn ein cystadleuaeth Pasg – mae wedi derbyn Casgliad Pasg Hapus o siocledi Sarah Bunton. Mwynhewch y siocledi!

Crynhoi 2023

Hoffem ddiolch yn fawr i chi i gyd am gymryd yr amser i rannu eich arferion gwylio cyfryngau dros y flwyddyn ddiwethaf. Mae’n amser rhannu sut gawsoch chi eich gwobrwyo am lenwi ein holiaduron – p’un a ydych yn cael eich gwobrwyo mewn talebau siopa, gyda chyfraniadau at grŵp cymunedol neu roddion elusennol.

Fe wnaethom rannu gwerth £13,205 o dalebau siopa y llynedd a hynny dim ond am lenwi holiaduron.

Ariannu grwpiau cymunedol 

Mae hefyd yn dda rhannu bod cynllun codi arian grŵp cymunedol Panel Cyfryngau Cymru yn 2023 wedi rhannu £2,765 rhwng grwpiau cymunedol. Da iawn i’r holl aelodau hynny sy’n codi arian ar gyfer eu cymuned, cymdeithas, côr neu grwpiau chwaraeon lleol. Cadwch lygad am yr holiaduron bonws hefyd – gan y byddant yn eich helpu i sicrhau mwy o wobrau ac arian gymaint ynghynt!

Rhoddion i elusennau

Parhaodd aelodau i gefnogi ein helusennau-partner yng Nghymru, gan roi £1,550 – swm hael fydd yn siŵr o helpu a rhoi budd i Tŷ Hafan, Ambiwlans Awyr Cymru, Age Cymru, Tŷ Gobaith, RSPCA ac Elusennau Iechyd Hywel Dda.

Enillwyr gwobrau

Roedd 14 aelod yn ddigon lwcus i ennill amrywiaeth o ddanteithion a nwyddau yn ein cystadlaethau yn ystod y flwyddyn – o’r talebau siopa yn ein cystadlaethau cyflym i siocledi, coffi a hamperi moethus o Gymru.

Cadwch lygad am fwy o gyfleoedd i gael eich gwobrwyo ac efallai mai chi fydd ymhlith yr enillwyr y tro nesaf!

Mwy o aelodau newydd i Banel Cyfryngau Cymru

Roedd hi’n braf cael croesawu llawer o aelodau newydd i Banel Cyfryngau Cymru, o Gaergybi i Hwlffordd o Wrecsam i Risga, pob un yn helpu i sicrhau bod pob ardal ledled Cymru yn cael ei chynrychioli yn yr ymchwil.

Rydym yn bwriadu teithio i fod mewn amryw o ddigwyddiadau eleni eto – felly dewch i ddweud ‘Helo’ os gwelwch chi ni!

Yn y cyfamser, dilynwch ni ar y cyfryngau cymdeithasol a darllenwch y newyddion diweddaraf ar ein tudalen newyddion.

Ymchwil i’ch arferion gwylio

Rydyn ni i gyd bellach yn defnyddio cyfryngau mewn llu o wahanol ffyrdd, ar ddyfeisiau, llwyfannau a sianeli gwahanol, felly mae’r manylion rydych chi’n eu rhoi i ni yn gynyddol bwysig i’n cleientiaid, gan gynnwys S4C.

Gyda’ch help chi, gallwn adrodd yn ôl ar y gwylio yng Nghymru – nid yn unig ‘yr hyn rydych chi’n ei wylio’, ond y tu ôl i’r niferoedd, gallwn ychwanegu ‘pam rydych chi’n gwylio’. Mae’r panel hefyd yn rhoi manylion gwylio ar draws y teledu, a llwyfannau a dyfeisiau gwahanol. Mae eich data o’r holiaduron yn cyfrannu at benderfyniadau strategol allweddol gan gynnwys amserlennu a chynnwys rhaglenni, ac mae’n rhoi mewnwelediad arbenigol i’n cleientiaid i’r hyn y mae gwylwyr ei eisiau a pham. Felly, rydych chi wir yn chwarae eich rhan wrth lunio dyfodol y cyfryngau yng Nghymru!

Rydyn ni’n edrych ymlaen at y flwyddyn i ddod – a pha bynnag raglenni y byddwch chi’n eu gwylio – dymunwn 2024 hapus, iach, a gwerth chweil i chi hefyd!

Os oes angen unrhyw help neu wybodaeth arnoch, ewch i’n gwefan www.panelcyfryngau.cymru neu ffoniwch Bethan ar 07947 129 227.

Mae Panel Cyfryngau Cymru ar hyn o bryd yn chwilio am bobl ifanc 16 – 24 oed, o bob rhan o Gymru, i lenwi holiaduron am raglenni teledu a chyfryngau eraill.

Mae’r holiaduron wythnosol yn hawdd a chyflym i’w llenwi a chewch ddewis cael eich gwobrwyo gyda thalebau siopa Amazon neu roi eich gwobrau i elusen.  Os ydych yn perthyn i grŵp cymunedol (e.e. clwb chwaraeon lleol) beth am ofyn iddyn nhw gymryd rhan hefyd? Gyda’ch gilydd gallech ennill hyd at £500 y flwyddyn i’ch grŵp/clwb!

Arweinir yr ymchwil gan gwmni ymchwil TRP Research ar ran S4C.

Ymunwch ar-lein www.panelcyfryngau.cymru

neu

cysylltwch â Bethan: 07947 129227

Llongyfarchiadau i Ian o Sir Fflint ar ennill cerdyn One4all gwerth £25 yn ein cystadleuaeth gyflym yr wythnos ddiwethaf.

Llongyfarchiadau i’n henillwyr – Mai o Bro Morgannwg; Jenny o Lanelli; Eirian o Sir Ddinbych a Gemma ac Ann o Sir Gaerfyrddin wnaeth ennill talebau Coffi Eryri gwerth £20 yn ein cystadleuaeth yn ddiweddar.

Ydych chi’n rhedeg grwp cymunedol yng Nghymru ac yn chwilio am ffyrdd i godi arian i gefnogi eich gweithgareddau?  Beth am estyn gwahoddiad i’ch aelodau ymuno mewn digwyddiad rhithwir gyda ni ym Mhanel Cyfryngau Cymru a darganfod sut y gall eich grŵp godi hyd at £500 y flwyddyn!

Cysylltwch gyda Bethan 07947 129 227 neu ewch i https://panelcyfryngau.cymru/gwobrau/#gs am fwy o wybodaeth.