Bu 2020 yn flwyddyn wahanol iawn i’r arfer.

Oherwydd y Coronafeirws bu’n rhaid i ni, fel pawb arall, newid ein ffyrdd o weithio. Ymhlith y newidiadau fe wnaethom ni gynnig gwasanaeth galwadau ffôn i’n haelodau a oedd fel arfer yn derbyn holiaduron drwy’r post, ymuno gyda digwyddiadau rhithwir yn hytrach na’r digwyddiadau y byddwn ni fel arfer yn mynd iddynt a hysbysebu mwy ar-lein.

Rydym yn hynod ddiolchgar i’r holl aelodau am eu cefnogaeth barhaus ac yn falch o allu cyhoeddi ein bod wedi gwobrwyo’n haelodau gyda gwerth £12,200 o dalebau siopa, £3,400 o arian tuag at grwpiau cymunedol ac wedi cyfrannu £1,965 tuag at elusennau ar ran ein haelodau.

Wyddech chi fod modd i grwpiau, clybiau neu elusennau lleol godi arian drwy annog eu haelodau/cefnogwyr i lenwi’n holiaduron syml?

Bydd angen i chi annog rhwng 2 ac 20 aelod/cefnogwr i ymuno â’r panel a nodi enw eich  grŵp/clwb/elusen ar y ffurflen ymaelodi i dderbyn eu gwobr am lenwi’r holiaduron.

Unwaith y bydd eich aelodau/cefnogwyr wedi ymaelodi, byddant yn cael holiadur wythnosol ynglŷn â beth maent yn ei wylio ac yn gwrando arno. Yna, bob tro y bydd aelod yn llenwi un o’n holiaduron wythnosol, bydd eich grŵp, clwb neu elusen yn cael eu credydau.

Unwaith y bydd eich aelodau/cefnogwyr wedi casglu 100 credyd rhyngddynt, byddwn yn trosglwyddo £50 i gyfrif banc eich grŵp, clwb neu elusen.

Os hoffech fanylion pellach, cysylltwch â ni drwy ffonio 07494 506 962 neu e-bostio cymorth@panelcyfryngau.cymru

Llongyfarchiadau i enillwyr ein cystadleuaeth Nadolig:

Cai o Gaerdydd

Gwawr o Geredigion

Delyth o Fro Morgannwg

Heb ennill? Peidiwch â digalonni, bydd cystadleuaeth eto’n fuan.

Wyddech chi fod modd cymryd rhan ym Mhanel Cyfryngau Cymru Media Panel Wales drwy’r post?

Mae Panel Cyfryngau Cymru Media Panel Wales yn cynnal ymchwil wythnosol i arferion gwylio a gwrando pobl Cymru.

Byddwn yn anfon holiaduron wythnosol, gyda chyfle i chi ddweud eich dweud am yr hyn y buoch yn ei wylio neu’n gwrando arno yn ystod yr wythnos flaenorol.

Rydym yn cynnig talebau siopa, arian i grwpiau cymunedol neu rodd i un o’n helusennau yn wobr am gymryd rhan (cliciwch YMA am fanylion) a byddwn hefyd yn cynnal cystadlaethau rheolaidd i aelodau.

Os hoffech dderbyn yr holiadur drwy’r post gallwch ymuno â ni AR-LEIN neu drwy ffonio 07494 506 962, yna byddwn yn anfon eich holiadur wythnosol atoch gydag amlen rhadbost i anfon yr holiadur yn ôl atom yn rhad ac am ddim.

Cafwyd wythnos wych yn Eisteddfod Llanrwst yn sgwrsio gyda’n haelodau , ac yn croesawu aelodau newydd hefyd!

Bydd pawb a ymunodd yn ystod yr wythnos i gyfrannu at yr ymchwil yn derbyn eu holiaduron cyntaf yn fuan.

Cafwyd wythnos benigamp yn Eisteddfod Urdd Gobaith Cymru yn sgwrsio gydag aelodau hen a newydd.

Bydd pawb a ymunodd â’r panel ym Mae Caerdydd yn derbyn eu holiaduron cyntaf yn fuan –  Croeso i Banel Cyfryngau Cymru!

Wyddech chi fod modd cyfrannu at elusennau arbennig trwy lenwi holiaduron Panel Cyfryngau Cymru?

Gall aelodau ddewis cyfrannu’r credydau y byddent yn eu derbyn am lenwi’n holiaduron i un o’n helusennau.

Byddwn yn cyfrannu £5 i’r elusen bob tro bydd yr aelod wedi casglu 10 credyd.

Am wybodaeth bellach ewch draw i www.panelcyfryngau.cymru/gwobrau/#es

Rydym wedi cyfrannu £5,415 i elusennau ers lansio’r Panel.

Roedd 2018 yn flwyddyn brysur arall i Banel Cyfryngau Cymru.

Cawsom flwyddyn brysur yn recriwtio a thrafod gyda’n haelodau mewn sawl digwyddiad cenedlaethol, gan gynnwys dau ymweliad â Llanelwedd ar gyfer Eisteddfod yr Urdd a’r Sioe Frenhinol, yr Eisteddfod Genedlaethol ym Mae Caerdydd ynghyd â llawer o ddigwyddiadau lleol a grwpiau cymunedol ar hyd a lled y wlad.

Rydym yn gwobrwyo’n haelodau am bob holiadur a lenwir, ac yn falch iawn o gyhoeddi ein bod wedi rhoi’r gwobrau canlynol i’n haelodau yn ystod 2018:

Gwerth £11,290 o dalebau siopa

Cyfrannu £1,650 i elusennau

Cyfrannu £4,339 i grwpiau cymunedol

Rydym yn falch iawn o dwf y Panel ac yn ddiolchgar iawn i’n haelodau am eu cefnogaeth barhaus.

Os hoffech chi ddarganfod mwy am y Panel, ewch i’n gwefan www.panelcyfryngau.cymru neu rhowch alwad i ni ar 07947 129227

Chwilio am ffordd syml o godi arian i’r ysgol, cymdeithas rhieni neu feithrinfa leol?

Beth am annog grŵp o bobl i lenwi’n holiaduron syml? Gallech dderbyn hyd at £500 y flwyddyn!

Am wybodaeth bellach ewch i https://panelcyfryngau.cymru/gwobrau/#gs neu ffoniwch ni ar 07947 129227.

Mae nifer o’n panelwyr ar Banel Cyfryngau Cymru yn dewis troi y credydau y maen nhw’n eu hennill wrth lenwi ein holiaduron, yn rhoddion i elusen. Felly roeddwn yn falch iawn o gael y cyfle i ymweld â Tŷ Gobaith, un o’n helusennau enwebedig, er mwyn meithrin ein perthynas a dod i rannu mwy am eu gwaith arbennig gyda chi.

Roeddwn yn cyfarfod Eluned Yaxley, Uwch Swyddog Codi Arian, er mwyn trafod y bartneriaeth rhwng Panel Cyfryngau Cymru â Ty Gobaith ac i ddysgu mwy am sut mae rhoddion yn darparu gofal a chefnogaeth i blant a phobl ifanc angheuol wael a’u teuluoedd o Ogledd a Chanolbarth Cymru.

Mae Eluned a’r swyddfa codi arian o fewn muriau tre Conwy, ond mae’r hosbis ei hun wedi ei lleoli mewn man sydd ag un o’r golygfeydd mwyaf trawiadol yng Nghymru, yn fy marn i, yn edrych ar draws yr Aber.

Mae hi’n naturiol ddigon credu y byddai hosbis yn lle prudd ac yn llond wynebau trist, ond mewn gwirionedd, er bod y rhan helaeth o blant sydd yn mynychu Tŷ Gobaith yn byw gyda chyflyrau sy’n bygwth bywyd neu gyflyrau lle mae marwolaeth gynamserol yn anochel, mae Tŷ Gobaith yn lle llawn gwên hefyd.

Bethan Vaughan Cartwright (Panel Cyfryngau Cymru ) ac Eluned Yaxley (Tŷ Gobaith).

Mae staff a gwirfoddolwyr yn darparu amgylchedd diogel, cariadus a hapus ar gyfer y plant a’u rhieni er mwyn gwneud y gorau o’r amser sydd ganddynt gyda’i gilydd.

Os hoffech wybod mwy am Tŷ Gobaith ewch at www.hopehouse.org.uk

Mae’r arian sy’n cael ei godi gan ein haelodau, wrth iddyn nhw lenwi holiaduron syml bob wythnos am yr hyn y maen nhw’n ei wylio ar deledu, yn cyfrannu at ddarparu a datblygu gofal a phrofiadau i’r plant hynny sy’n derbyn gofal.

Os hoffech chi lenwi’n holiaduron er budd Tŷ Gobaith, ymunwch yma.